ಗಂಧ ಪ್ರಸಾದ ಕೊರ್ನಗ...!

ಮದಿಪುದರೆ....
ಈ ಕಾಲದ ರಡ್ಡ್ ಹೋಮ ಒಂಜಿ ನೇಮ ಪನ್ಪಿಂಚಿತ್ತಿನ ಕಟ್ಟ್ ಪ್ರಕಾರ, ಒಂಜಿ ಹೋಮದ ಪುಗೆನ್ ಆದಿ ಭಗವಂತಗ್ ಅರ್ಪಣೆ ಮಲ್ಪವೊಂಡೆ....
ಒಂಜಿ ಹೋಮ ಒಂಜಿ ನೇಮನ್ ಎನ್ನ ಮಾಯಾ ಭಂಡಾರೊಗ್ ಸ್ವೀಕಾರ ಮಲ್ಪವೊಂಡೆ. ಇಡಿ ಗ್ರಾಮೊಗು ಬರ್ಪಿಂಚಿತ್ತಿನ ಅರಿಸ್ಟಾದಿಲು, ದುರಿತ-ದುರ್ಗಿನೋಲ್ , ಮಾರಿ-ಮಗ್ಗಿನೋಲ್ ,ಕುಂತಿ-ಕುತೋಲ್ ಇತ್ತುಂಡಲ ಆವೆನು ಈ ರಾಜ್ಯದ ಗಡಿ ತಪ್ಪಾದ ಕಡಪ ರಾಜ್ಯದ ಕೈ ಸೇರದ್ ಕೊರಿಯೆ. ಈ ರಾಜ್ಯಾದಾ ಪತ್ತು ಸಮಸ್ತೆರೆ ಕೈಟು ಪುಣ್ಯ ಭಾಗೊನ್ ಒದಗಾದ್ಕೊರ್ದು, ನನ್‌ ಮಿತ್ತುಗ್ ಮದಾಮಲೆ ಲಕ್ಕಂತಿನ ರಾಜ್ಜೋನ್ ಮದ್ಮಲೆ ಲಕ್ಕನೆ ಒರಿಪಾದ್, ಪೆದ್ಮೆದಿನ್ ಕಾತೊಂಬಿಲೆಕ್ಕ ಕಾತೊಂದ್ ಬರ್ಪೆ. ಕಂಚಿದ ಕೋಟೆಗ್ ಆಲವುದ ಬೇಲಿಯಾದ್ ಯೆನ್ನ ರಾಜ್ಯೊನ್ ಕಾಪುನ ಬಹುಭಾರ ಎನ್ನವಾದುಂಡು.... ಇಡಿ ರಾಜ್ಯೊಗು ದುರ್ಬಿಕ್ಶೆ ಬರಂದಿಲೆಕ್ಕ ಸದಾ ಕಾಲ ಸುಬಿಕ್ಶೆ ಒದಗಾಯೆಂದ್ ಪನ್ಪಾವೊಂದ್ ಈ ರಾಜ್ಯೊನು ಯಾನ್ ಕಾತ್ತೊಂದ್ ಬರ್ಪೆ. ಈ ಕಾಲದ ಹೋಮ ನೇಮೋನ್ ಸಂತೋಸಡ್ ಮಾಯೊಡ್ ಸ್ವೀಕಾರ ಮಲ್ತೊಂದ್, ನೇಮ ಯೆಚ್ಚಿಡ್ ಪಿರಿನಂಚಿತ್ತಿನ ಪೊರ್ತುಡೂ.....
ಮದಿಪುದರೆ....ಅಕೆರಿದ ಓಟೋಡ್ ಕೋರ್ಪಿಂಚಿತ್ತಿನ ಕಡ್ಸಲೆ ನಂಬುಗೆ.... ಆನೆದ ದಾಡೆಗಾ... ಸುಣ್ಣಾದ ಬೊಟ್ಟೋಗಾ.... ಕರ್ಬದ ಕಟ್ಟ್ ಗಾ... ಸರಿಸಮಾನ ಮಲ್ಪವೊಂಡಾ ಕಾಪುವೆ.... ಭಯ ಮಲ್ತೋನೊಡ್ಚಿ...

ಸಾಂದರ್ಭಿಕ ಚಿತ್ರ